Xelkê Qamişloyê sûcên li Siwêdayê şermezar kirin

Bi çalakiyeke protestoyî xelkê bajarê Qamişloyê nerazîbûna xwe li hember sûc, tundî û bêmafiya li Siwêdayê nîşan da.

ROJANE

24 tîrmeh, 2025 21:05

QAMIŞLO

Çalakvan û rêxistinên civaka sivîl ên Qamişloyê ji bo piştgiriya qurbaniyên bûyerên dawîn li bajarê Siwêdayê, li pêşiya çapxaneya Rênas a li kolana Amûdê çalakiyek li dar xist.

Beşdaran, dirûşmên "Em dengê qurbaniyan in" û "Xwîna sûrî li sûrî qedexe ye” berz kirin. Şêniyan banga bidawîkirina tundiyê, pêşxistina diyalog û aştiya sivîl kirin.

Helbestvanê ji Siwêdayê Diya Ebdurehman ê ku beriya êrişên dijî Siwêdayê li Qamişloyê ye sûc, tundî û bêmafiya li Siwêdayê hatiye kirin şermezar kir û got: "Beriya ku şer li Siwêdayê destpê bike ez hatim Qamişloyê. Ez vir jî bajarekî xwe dibînin. Li Qamişloyê ji bo Siwêdayê ev çalakiya duyemîn e li dar dikeve."

Ebdurehman da xuyakirin ku gelê vir jî êş dîtiye, ji ber vê yekê tu carî bêmafiyê qebûl nakin û her tim hewl didin bi çalakiyan vê helwestê, nîşan bidin.

Ebdurehman got ew ji ber rewşa li Siwêdayê hîna diêşe û heta niha hejmara kesên hatine kuştin û jinên hatine revandin, nayê zanîn.

Di encama şer û êrişên li Siwêdayê çêbûne de, niştecihên zêdetirî 20 gund koçber bûne.

(ekîb/şx)

anha