Ciwanan bi semînerekê bal kişand ser tecrîdê

Tevgera Ciwanên Şoreşger û Yekitiya Jinên Ciwan, têkildarî xetereyên girankirina tecrîda li ser Rêber Abdullah Ocalan û girêdana wê bi êrişên li dijî herêmê, semînerek li hola çapxaneya Şehîd Herekol a li Dêrikê li dar xist. 

Bi dehan endamên tevgerê û yekitiyê şaxê Dêrikê tev li çalakiyê bûn.

Di semînerê de endamê Tevgera Ciwanên Şoreşger a Sûriyeyê ya Dêrikê Bager Cûdî axivî û berdewamkirina cezayên dîsplînê û girankirina tecrîdê li ser Rêber Abdullah Ocalan ji aliyê dewleta Tirk a a dagirker ve, şermezar kir.

Bager Cûdî destnîşan kir ku hemwextî tecrîdê, êrişên li dijî herêmên Bakur û Rojhilatê Sûriyeyê zêde dibin û got: “Ev siyaset, li pêşiya me nabin bend ku em têkoşînê û berxwedanê berdewam bikin ji bo ku azadiya fîzîkî ya Rêber Abdullah Ocalan pêk bînin.”

Bager Cûdî da zanîn ku ew jî piştgiriya pêngava “Ji Rêber Abdullah Ocalan re azadî û ji pirsgirêka Kurd re çarseriya siyasî” dibin û got tevlêbûna çalakiyên di vê çarçoveyê de li dar dikevin, gelek girîng e.

Di dawiyê de ciwanan, wêneyên Rêber Abdullah Ocalan hildan û “Bê Serok jiyan nabe” berz kirin.

(şx)

ANHA