Ji bo azadiya fîzîkî ya Rêber Abdullah Ocalan panelek hat lidarxistin

Panel di çarçoveya Pêngava "Ji Abdullah Ocalan re Azadî, ji Pirsgirêka Kurd re Çareseriya Siyasî" de hat lidarxistin.

Panel bi amadabûna endam û nûnerên partiyên siyasî û saziyên sivîl li hola Axîn a navçeya Fafînê ya girêdayî kantona Şehbayê hate lidarxistin .

Beşa Yekem ya panelê bi navê 'Rola jin di azadiya Rêber Apo de çi ye' ji hêla endama Koordînsoyana Kongra Star Rîhan Elo ve hate birêvebirin. Rîhan wiha got: "Rêber Abdullah Ocalan fîlozofê şaristaniya neteweya demokratîk e, felsefe û ramanên wî li ser esasên konfederalîzma demokratîk a Rojhilata Navîn li ser bingehên demokrasî, ekolojî û azadiya jinê hatiye avakirin. Tiştê ku wî ji rêberên cîhanê cuda dike jî ev e.”

Beşa Duyem ya panelê ji hêla Hevseroka Tevgera Civaka Demokratîk (TEV-DEM) şaxê kantona Efrîn û Şehbayê Gulê Cefer ve hate birêvebirin. Gulê bal kişand ser civaka azad û wiha got: “Civaka ku bi fikrê azadîxwaziyê mezin bibe dikare di pêvajoya avakirina civakê di hemû qadan de xwe bi rêxistin bike.”

Piştre deriyê nîqaşê li pêş beşdaran hat vekirin. Beşdaran diyar kir ku azadiya fîzîkî ya Rêber Abdulah Ocalan bi bilinkirina têkoşînê pêkan e û gotin: “Eger Rêber Abdullah Ocalan azad nebe, civak jî azad nabe.”

(zş/he)

ANHA