Îsraîl: Me metirsiyên xwe yên têkildarî plana ji bo Xezayê bi DYA’yê re parve kirin

Nivîsgeha serokwezîrê Îsraîlê Benyamin Netanyahu ragihand ku Îsraîl metirsiyên xwe yên têkildarî plana ji bo Xezayê ya serokê Dewletên Yekbûyî yên Amerîkayê (DYA) Donald Trump, bi kêfxweşî pêşwazî kiriye û ev yek bi DYA`ê re parve kir. 

Berdevkê nivîsgehê Doron Spielman got: “Têkildarî çarçoveya ku hatiye pêşniyarkirin, Îsraîlê metirsî û têbîniyên xwe pêşkêşî DYA’yê kiriye. Tişta hatiye belavkirin ne li gorî helwestên Îsraîlê ye.”

Hemasê jî aşkera kiribû ku ew têkildarî çekdanînê gihîştine lihevkirinekê, ev jî yek ji gavên sereke yên berbiçav e ku di qonaxa duyemîn a plana aştiyê ya DYA’yê de tê avêtin. Vê jî hiştiye ku Îsraîl bi awayekî beşî ji Xezayê vekişe. Trump jî ev gav baş nirxand û got Îsraîl ji van pêşketinan “gelekî kêfxweş e”.

Spielmam destnîşan kir ku Hemas amadekariyên pêkanîna “komkujiyên mîna yên di 7`ê Cotmehê de” dike û got: “Di navbera rastiyê û niyetên Hemasê de nakokî hene, gava yekemîn a ku jê veger tune ye, divê Hemas bi awayekî aktîf çekan deyne. Rêkarên dûrî çekdanînê hemû dê bihêlin Hemas bikare careke din gafan li Îsraîlê bixwe.”

Berpirsyarekî Îsraîlê ku nexwestiye nasnameya wî were aşkerakirin jî diyar kiribû ku piraniya xaka Xezayê di bin kontrola Îsraîlê de ye, Îsraîl bêyî çekdanîna Hemasê dê hêzên xwe venekişîne.

(sb)