Di çalakiyên ji bo Efrînê de peyama berxwedanê

Di çalakiyên ku bi wesîleya salvegera 6’an a dagirkirina Efrînê hatin lidarxistin de, heta rizgarkirina Efrîn û tevahî herêmên dagirkirî soza domandina têkoşînê hate dayîn.

ROJANE

18 adar, 2024 14:39

NAVENDA NÛÇEYAN

Li Dêrik, Tirbespiyê, Hesekê, Til Temir, Kobanê û Minbicê di salvegera 6’an a dagirkirina Efrînê de meş hatin lidarxistin û daxuyanî hatin dayîn.

Di çalakiyan de wêneyên şehîdên Berxwedana Serdemê, şaxên zeytûnan, pankartên "Na ji dagirkeriya Tirk re" û "Rizgarkirina Efrînê armanca me ya pêşîn e" hatin vekirin. Her wiha dirûşmên "Bijî Berxwedana Serdemê", "Bi can bi xwîn em bi te re ne Efrîn" û "Şehîd namirin" hatin berzkirin.

Di çalakiyan de şehîdên Berxwedana Serdemê hatin bibîranîn û soza domandina têkoşîna wan hate dayîn. Hate gotin, têkoşîna gelê Herêma Bakur û Rojhilatê Sûriyeyê dê berdewam bike ta Efrîn û tevahî herêmên dagirkirî û dewleta Tirk û çeteyên wê ve werin rizgarkirin.

Di çalakiyan de bang li hêzên nîştimanî û demokrat hat kirin ku li hemberî siyaset û çavnebariyên dewleta dagirk yekitiya xwe ava bikin.

Di çalakiyan de bal kişandin ser sûcên li Efrînê têne kirin û bêdengiya hêzên navneteweyî ya li hemberî van sûcan.

Di çend saetên pêş de dê çalakî li herêmên din werin lidarxistin.

(bb)

ANHA

TIL TEMIR

GIRGÊ LEGÊ

ÇIL AXA

QAMIŞLO

HESEKÊ

AMUDÊ

HESEKÊ