Cenazeyê şehîd Mensûr Kerîmiyan ber bi Rojhilatê Kurdistanê ve tê oxirkirin

Cenazeyê sînemager Mensûr Kerîmiyan ku 23’yê Kanûnê de, di êrişa dewleta Tirk a dagirker de şehîd bibû, li Silêmaniyê bi merasîmekê ber bi Rojhilatê Kurdistanê tê oxirkirin.

31 kanûn, 2023 12:17

NAVENDA NÛÇEYAN

Cenazeyê şehîd Mensûr Kerîmiyan duh ji Rojavayê Kurdistanê bi merasîmek girseyî ji bo Başûrê Kurdistanê hate oxirkirin.

Piştî cenaze gihişt Silêmaniyê, danê siharê merasîma oxirkirina cenazeyê şehîd Mensûr Kerîmiyan li ber derê Sînemaya Salim ya li bajarê Silêmaniyê, bi tevlîbûna dehan hunermend, nûnerên aliyên siyasî û xelkê Başûrê Kurdistanê bi deqeyek rêzgirtinê destpê kir.

Piştî merasîmê wê cenazeyê şehîd Mensûr ji bo Rojhilatê Kurdistanê were oxirkirin.

Li gorî agahiyan, cenazeyê Şehîd Mensûr wê li warê wî bajarê Sine ya Rojhilatê Kurdistanê were definkirin.

Şehîd Mensûr Kerîmiyan di sala 1984’an de li bajarê Sine ji dayîk bûye. Nêzî 20 sal warê sînemayê de kar kriye. Du salin li Rojavayê Kurdistanê derhûnerya filman dike. Şehîd Mensûr di 23’yê Kanunê de di encama êrişa dewleta Tirk ya li ser Rojavayê Kurdistanê de şehîd bû.