Bi boneya 15’ê Gulanê xwendekar û saziyên Firatê çalakî li dar xistin

Komîteya Amadekar a Desteya Perwerde Fêrkirinê ya kantona Firatê bi boneya Roja Zimanê Kurdî (15'ê Gulanê) 3 çalakî li kantonê organîze kirin.

Di çalakiyan de li ser girê Miştenûr ê bajarê Kobanê dar hatin çandin, pêşangeheke şêwekariyê li dibistana Şehîd Osman a bajarê Kobanê hat vekirin û şahiyek li dibistana Şehîd Îsmaîl El Hemed a bajarê Eyn Îsayê hat lidarxistin.

Li bajarê Eyn Îsayê, Rêveberiya Dibistanên Giştî ya bajêr bi dirûşma "Zimanê dayikê neynika şatirstaniyê û pira ber bi pêşerojê ve ye" şahiyek li dar xist. Di şahiyê de şandeya Desteya Perwerde û Fêrkirinê ya kantonê, bi dehan malbatên şagirtan, endamên sazî û komîteyan û meclisa bajarê Eyn Îsayê beşdar bûn.

Di şahiyê de berdevkê Rêveberiya Dibistanên Giştî ya bajêr Îsa Cuman Îsa bixêrhatina beşdaran kir û got her kes bi vê rojê serbilind be û tê de girîngiyê didin parastina kultûr û nasnameya çandî.

Îsa got îro bi saya fedakariya şehîdan û fikra rast a ku Rêber Abdullah Ocalan ji wan re daniye tê pîrozkirin.

Di şahiyê de berhemên hunerî yên bi zimanên Kurdî û Erebî ji aliyê şagirtên dibistanên Eyn Îsayê û ya kampa Eyn Îsa hatin pêşkêşkirin.

Îsa ji ajansa me re got: "Hişmendiya paşguhkirinê ya ku rejîmên zordar dida meşandin bi hewlên civak û gelê Kurd ji zimanê wî yê bi hezaran salan e, bi dûr bixin."

Îsa diyar kir ku ew bi zimanê xwe yê xwedî dîroka dirêj e ve girêdayî ne.

Li bajarê Kobanê Desteya Ekolojiyê û Desteya Perwerde û Fêrkirinê yên kantonê û Zanîngeya Kobanê li ser girê Miştenûrê ya bajêr hezar û 500 dar çandin.

Bi boneya Roja Zimanê Kurdî li Dibistana Şehîd Osman a Kobanê pêşangeha şêwekariyê ku 3 meh e amadekariya wê tê kirin, hat vekirin. Di şahiyê de 39 xwendekar beşdar bûn.

(mh/fr)