Berxwedana xelkê Şêxmeqsûd û Eşrefiyê hat silavkirin

Çeteyên "Heyet Tehrîr El Şam" bêyî tu berxwedanekê ji hêzên hikumeta Şamê ve gelek taxên bajarê Helebê kontrol kirin.

Di nava van pêvçûnên heyî de xelkê taxên Şêxmeqsûd û Eşrefiyê yên Helebê xwe li gorî şerê gel ê şoreşgerî xwe bi rêxistin kirine ku taxên xwe li dijî her êrişekê biparêzin.

Xelkê xwe bi rêxistin kirine, ji ajansa me re axivîn û got ew ê li gorî berxwedana 2016ˋan li hember çeteyan raber kiribûn, taxên xwe biparêzin.

Di vê çarçoveyê de xelkê bajarê Çilaxa yê kantona Cizîrê ya Herêma Bakur û Rojhilatê Sûriyeyê helwesta xelkê her du taxan a berxwedana li dijî her êrişekê silav kir.

Welatiyê bi navê Elî Kêrî got: "Tişt li Helebê îro diqewime û êrişên Heyet Tehrîr El Şam dikevin xizmetî planên dewleta Tirk a dagirker."

Kêrî wiha domand: "Helwesta xelkê taxên Şêxmeqsûd û Eşrefiyê ya xweparastin û berxwedanê gaveke di cih de û aqilmendî ye ku xwe, mal û milkên xwe biparêzin."

Li aliyekî din jî welatiyê bi navê Seed Ebas jî got: "Careke din sînaryoya teslîmkirin û teslmîbûyînê ya di navbera dewleta Tirk a dagirker û hikumeta Şamê de dest pê kirin. Vê carê jî ji bajarê Helebê de bû."

Ebas anî ziman ku armanca giştî ji van bûyeran projeya neteweya demokratîk a xwe dispêre biratiya gelan e. Ji lew re divê tevahî pêkhate mal û taxên xwe biparêzin.

Welatiya bi navê Nesrîn Hemdo jî got ew piştgiriya xwe ji xelkê her du taxan re nîşan didin.

Nesrînê wiha domand: "Xwespartina li xweparastinê rêbaza yekane ya parastina li hember astengî û zehmetiyan e."

(fr)