Berpirsên NY'yê ji bo veguhastina siyasî li Sûriyeyê bang kir

Li gorî agahiyên ku malpera Konseya Ewlehiyê ya Neteweyên Yekbûyî (NY) dane, cîgirê nûnerê taybet ê Sûriyeyê Claudio Cordone di civîna konseyê de got li Sûriyeyê pirsgirêkên aborî, sazî û ewlehiyê hîn jî li pêşiya aramiyê astengî ne.

Her wiha anî ziman ku pêdiviya çareserkirina van pirsgirêkan bi xurtkirina saziyan, xurtkirina aştiya civakî û entegrekirina tevahî ya Sûriyeyê di pergala aborî û dîplomatîk a navneteweyî de heye.

Cîgirê nûnerê taybet ê Sûriyeyê Claudio Cordone bal kişand ser binpêkirinên Îsraîlê li başûrê Sûriyeyê û banga rawestandina binpêkirinan û rêzdariya li hember serdestiya Sûriyeyê kir.

Cîgirê sekreterê giştî yê kar û barên mirovî Tom Fletcher got nîşaneyên başbûnê yên gav bi gav hene û ev nîşane wiha rêz kir: "Vegera bi milyonan koçberan û vejandina bazarê tevî rewşa mirovî ya nazik."

Tom Fletcher anî ziman ku di çaryeka yekem a îsal de 84 milyon dolar hatine veqetandin, ji bilî vê 146 milyon dolar ji bo piştgiriya projeyên mirovî yên nû jî hene.

Nûnera taybet a sekreterê giştî Vanessa Fraser jî destnîşan kir ku divê derfet ji bo pêkanîna guhertineke erênî ji bo zarokan, berdana kesên girtî û çareserkirina rewşa kesên bênasname, bi taybet li kampên Hol û Roj werin peydakirin.

(bb)