Baregeha Tenef careke din hat bombebarankirin

Bi dronekê êriş li dijî baregeha DYA′yê ya li Tenefê hat kirin. Dron ji aliyê hêzên DYA′ê ve hat xistin.

23 cotmeh, 2023 18:25

NAVENDA NÛÇEYAN

Navenda Çavdêriya Mafên Mirovan a Sûriyeyê (SOHR) da zanîn ku hêzên Amerîkayê drona êrişî baregeha Tenefê ya li sêgoşeya sînorî (Sûriye - Iraq - Urdun) kir, xist xwarê.

SOHR'ê destnîşan kir ku hêzên DYA′ yê dron ji dûrî baregehê anî xwarê û got, hemwextî wê 2 dronên din ku hewl da êrişî baregeheke hêzên Amerîkayê ya 4 kîlometre li rojhilatê kampa Rukban a sînorê Urdunê bikin, lê hêzan her du balafir 3 kîlometre dûrî kampê anîn xwarê.

Têkildarî cihê ku dron jê rabûne, tu agahî nehatin parvekirin.

Di 19'ê Cotmehê de 3 balafirên bêmirov êrişî baregeha Tenefê ya Hêzên Koalîsyona Navneteweyî kir û encamê de 2 balafir hatin xwarê û yekê baregeh kir hedef. Di encamê de zirarên madî çêbûn û 2 endamên hêzên koalîsyonê birîndar bûn.

Li gorî SOHR'ê, 5 roj in hêzên koalîsyonê li baregeha Tenefê seferber bûne ku asta nobet û çavdêriyê bilind kiriye.

(mh)