′Azadiya Rêbertî bingeha azadiya gelan ji bindestiyê ye′

Di çarçoveya pêngava ji bo azadiya Rêber Abdullah Ocalan a bi dirûşma "Ji Abdullah Ocalan re azadî, ji pirsgirêka Kurd re çareseriya siyasî" de, Tevgera Ciwanên Şoreşger a Sûriyeyê ya kantona Minbicê bi meşekê banga pêkanîna azadiya fîzîkî ya Rêber Abdullah Ocalan kir.

meş ji çerxerêya Seba Behrat a navenda bajêr bi beşdariya xelkê Minbic, Kobanê û Reqayê dest pê kir û ber bi navenda tevgerê ve bi rê ket.

Li wir, hevserokê Tevgera Ciwanên Şoreşger a Sûriyeyê ya kantona Minbicê Ehmed El Cemçêlî got: "Azadiya Rêber Abdullah Ocalan bingeha xelasiya gelên Rojhilata Navîn ji bindestiyê ye."

El Cemêlî hedefgirtina navenda tevgerê ya Minbicê ji aliyê dewleta Tirk a dagirker ve şermezar kir û got: "Em ji wan re dibêjin ku ev hedefgirtinên we îrade û hêza me ya pêkanîna serkeftinê zêde dikin."

El Cimêlî wiha dawî li gotina xwe anî: "Em ê heta pêkanîna serketinê û azadiya fîzîkî ya Rêber Abdullah Ocalan xwe bispêrin fikrên Rêber Abdullah Ocalan û fikra neteweya demokratîk. Bi hevgirtinê em ê bibin parêzvanên xaka xwe û destkeftiyên şoreşa xwe ku bi fedakariyên şehîdan pêk hatine."

(mh)

ANHA