9 meh e rojnamevan Silêman Ehmed di girtîgeha PDK’ê de ye
PDK’ê tevahî qanûnên têkildarî parastina mafên rojnamevanan binpê dike 9 meh e rojnamevan Silêman Ehmed girtî ye. Dadgeha Dihokê doza wî taloqî 29`ê Tîrmehê kiribû.
Edîtorê Roj Newsê Silêman Ehmed roja 1’ê Cotmeha 2023’yan ji bo serdanê çûbû cem malbata xwe ya li taxa Şêxmeqsûd a Helebê. Silêman Ehmed roja 25’ê Cotmeha 2023’yan dema xwest di deriyê Sêmalka re derbasî Başûr bibe, ji aliyê hêzên PDK’ê ve hat revandin û piştî heft mehan parêzeran karî hevdîtinê pê re bikin. Silêman Ehmed 270 roj e di girtîgeha PDK’ê de tê ragirtin.
22’yê 0Gulanê destûr hatibû dayîn ku parêzerên wî li girtîgeha Asayîşa Dihokê hevdîtinê pê re bikin.
Herî dawî 3’yê Hezîranê Dadgeha Sûc a Yek a Dihokê roja yekê ya rûniştina dadgehê Silêman Ehmed wek 30’ê Hezîrana îsal diyar kiribû. Lê dadgehê bi hinceta dadger ne amade ye û asayîşê kel û pelên rojnamevaniyê neşandine, dadgeh taloqî 29’ê Tîrmehê kiribû.
