35 roj di ser revandina Silêman Ehmed re derbass bûn
Rojnamevan Silêman Ehmed ku ji aliyê PDK’ê ve hatiye revandin, 35 roj e agahî jê nayê wergirtin. PDK nahêle parêzer an jî malbat Ehmed bibînin.
Rojnamevan Silêman Ehmed 25’ê Cotmehê dema xwest di Deriyê Sêmalka re derbasî Başûrê Kurdistanê bibe, ji aliyê hêzên PDK’ê ve hat revandin û ev 35 roj e agahî jê nayê wergirtin.
Hefteyek piştî windabûna Silêman Ehmed, asayîşa PDK’ê ya Dihokê daxuyaniyandibû qaşo revandina rojnamevan Silêman Ehmed “ne ji ber karên wî yên rojnamevaniyê ye” û gefa cezakirinê lê xwaribû.
Li gel ku bertek û helwestên li dijî revandina Silêman Ehmed zêde dibin, her ku diçe guman û fikarên li ser jiyana Silêman Ehmed jî zêde dibin. Lê hîna hikumeta Başûr der barê rewşa Ehmed de agahiyek nedaye.
