18 bazirganên madeyên hişbir hatin girtin
Li Dêrazozrê 18 bazirgan û bikarhînerên medayên hişbir hatin girtin.
Navenda Ragihandinê ya Hêzên Ewlekariya Hundirîn a Herêma Bakur û Rojhilatê Sûriyeyê bi daxuyaniyekê ragihand ku 18 bazirgan û bikarhînerên medayên hişbir li gundewarê Dêrazorê hatin zeftkirin.
Di daxuyaniyê de hate gotin "Hêzên me piştî şopandina tevgerên wan û bidestxistina îsbatên ku madeyên hişbir bi kar tînin û belav dikin, operasyonên bi bandor pêk anîn. Operasyon li hejmarek gund û bajarên Dêrazorê an ku li cihên bazirgan û bikarhînerên madeyên hişbir hatin lidarxistin. Di operasyonan de 18 bazirgan û bikarhînerên madeyên hişbir hatin binçavkirin."
Hate diyarkirin ku miqdareke madeyên hişbir, pere, zêr, çek û telefon ên li gel bazirganan hatin desteserkirin.
Di daxuyaniyê de hate ragihand ku piştî bidawîbûna lêpirsînê, 18 kes sewqî dadgehê hatin kirin.
(bb)
