Li Minbicê panelek bi navê "berdana bêdeng"

Panel li hola Meclisa Jinan a Minbicê li dar ket û endamên saziyên bajêr tê de beşdar bûn.

Panelê bi deqeyeke rêzgirtinê dest pê kir. Piştre endama rêveberiya Nivîsgeha Têkiliyan a Meclisa Jinan a Sûriyê şaxê Minbicê Rola Osman têgeha "berdana bêdeng" da nasîn û wiha got: "Berdana bêdeng, rewşa tunebûna hestan li cem her du aliyan e, anku jin û mêr bi hev re li cihekî bijîn lê belê ji hev dûr bin."

Rola wiha domand: "Ev yek bi berdana bêdeng tê nasîn, tevî ku hest di navbera jin û mêr de tune ne jî, lê belê her du alî aram in û wekî ku li hev dikin."

Rola destnîşan kir ku yek ji sedemên berdana hestiyarî, zextên madî ne ku sedema herî girîng a veqetînê ye. Her wiha ezeziyeta aliyekî ku tenê maf û daxwazên xwe di ber çav re digire û aliyê din ji bîr dike. Navê berdana hestiyarî li vê rewşê tê kirin.

Rola wiha domand: "Li gorî lêkolînan, berdana hestiyarî bandorên neyinî li zarokan dike, ji ber ku jiyana asayî derbas dikin lê belê girîngiyê nadin hestên zarokên xwe. Ev yek dihêle zarokên wan xemgîn bibin û zehmetiyan bijîn."

Rola Osman behsa rêbazên çareserkirina berdana hestiyarî jî kir û wiha got: "Divê her du alî ji hev re vekirî bin û hev fêm bikin. Her wiha divê diyalogê pêk bînin û li nêrînên hev guhdarî bikin."

Panel bi nîqaşên beşdaran li ser mijarê bi dawî bû.

ANHA

<iframe width="560" height="315" src="https://www.youtube.com/embed/z1R4411Z1aA" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>