Dewleta Tirk li rojavayê Girê Spî dîwarê parçekirinê lê dike

Mîna Efrînê, dewleta Tirk a dagirker û çeteyên wê ji bo armancên xwe di parçekirina xaka Sûriyê de pêk bînin û tev li xaka Tirkiyê bikin, li rojavayê Girê Spî dest bi lêkirina dîwarê parçekirinê kir.

Ajansa me dema ku dewleta Tirk a dagirker di navbera gundê Kendalê û Celebê yên 1 km dikeve başûrê sînorê Tirkiyê dest bi lêkirina dîwarê parçekirinê kir da ku dîwar bigihîne dîwarê li ser sînor, şopand. Artêşa Tirk a dagirker û çeteyên wê ji bilî lêkirina dîwar (1 km) satire ji axê li aliyê din ê dîwar datînin.

Dewleta Tirk a dagirker li rojavayê Girê Spî û rojhilatê Kobanê dîwar 14 km dûrî bajarê Girê Spî lê dike.

Her wiha dewleta Tirk a dagirker û çeteyên wê li gundên sivîlên ku bi darê zorê neçarî koçberiyê bûne û dibistan veguherandina baregehên leşkerî. Tevgera çeteyên dewleta Tirk li gundên Kendalê, Bîr Temih, Celebê û Evdiko ya Mezin, vê yekê diyar dike.

Dewleta Tirk a dagirker 18`ê Nîsana 2019`an bi armanca qutkirina Efrînê ji xaka Sûriyê û tevlêkirina wê ji wîlayeta Hatay a Tirkiyê re dest bi lêkirina dîwarê parçekirinê kir. Lêkirina dîwarê parçekirinê li rojavayê Girê Spî niyeta dagirkirin, projeyên parçekirina xaka Sûriyê û tevlêkirina wê ji xaka Tirkiyê re, diyar dike.

(ekib)

ANHA

<iframe width="560" height="315" src="https://www.youtube.com/embed/vGNTKP7VGfk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>