Şervanekî ku artêşa Tirk a dagirker dîl girtiye û şandiye Girê Spî ku tesfiye bibe, xwe rizgar kir

Di dema bersivdana QSD’ê ya êrişên artêşa dewleta Tirk a dagirker û çeteyên wê yên ji Cebhet El-Nusra û DAIŞ’ê yên li gundewarên başur-rojavayê bajarê Girê Spî yên di 19’ê Cotmehê de, şervanekî QSD’ê hatdîlgirtin. Piştî 7 rojan şervan bi alîkariya gundiyekî karî ji girtîgeha çeteyan bireviya.

Şervan Zinar Reqa, der barê çawaniya dîlgirtin û êşkenceyê ku lê hatiye kirin de axivî û îşaret pê kir ku panzêrên artêşa dewleta Tirk a dagirker di 19’ê Cotmehê de tevî agirbestê êrişî gundê Solan kir. Lê li beramberê QSD’ê mafên parastina rewa yên bersivdana êrişên dagirkerî û çeteyan bi kar anîn.

Zinar Reqa wiha domand: "Me bersiva êrişan da, lê piştre cebilxaneya min xelas bû. Piştre hatim dorpêçkirin û dîlgirtin. Çavên min girêdan, gotinên nebaş kirin û bi her şêweyî îşkence kirim. Di pey wê re jî birim baregeheke dewleta Tirk a li xaka Tirkiyê. Di saeta 12 êvarê de lêpirsîn kirim û lêpirsînvana gotin, wî tesfiye bikin."

Zinar anî ziman ku di dema lêpirsînê li pêşiya kamîreyê bi awayekî baş pê re dan û standin. Lê piştre da ku bê tesfiyekirin, rêkirin Girê Spî. Li wir xist girtîgeha şexsî û rojane îçkence lê dikir.

Zinar diyar kir ku di dema di girtîgehê de çeteyan zêdetirî 25 sivîlên ji bajêr anîn wir û wiha axivî: "Ji nav wan sivîlan 2 keç jî hebûn û yek ji wan jî şervana YPJ’ê Çîçek Kobanê ku di lingê xwe de birîndar bû."

Zinar piştrast kir ku rojane dihat îşkencekirin û bi çekên şexsî ditirsand û wiha lê zêde kir: "Her tim ji min dipirsîn û digotin: tu dixwazî çawa bimirî û bi kîjan çekê?."

Zinar li dawiyê eşkere kir ku çeteyên ku ew dîl girtiye, heman çete ew îşkence dikir.

(fr)

ANHA