Li Til Temirê şehîdê Hêzên Ewlekariya Hundirîn hat oxirkirin

Şêniyên naveya Til Temir cenazayê Endamê Hêzên Ewlekariya Hundrîn Ehmed Mehbûb ku di encama topbarana artêşa Tirk a dagirker û çeteyên wê li ser navçeya Zirgan a girêdayî herêma Serêkaniyê şehîd bû, oxir kir.

Berxwedana Rûmetê

21 cotmeh, 2019 11:57

HESEKÊ

Bi sedan şêniyên navçeyê li pêşiya Meclisa Malbatên Şehîdan a navçeya Til Temirê kom û cenazeyê şehîd Ehmed Mehbûb ê ji pêkhateyên Erebe, wergirtin. Ehmed Mehbûb 18`ê Cotmehê tevî biryara agirbestê di encama topbarana artêşa Tirk a dagirker li ser navçeya Zirganê şehîd bû. Şêniyan cenazeyê şehîd wergirt û bi karwanekî ji erebeyan ber bi goristana şehîdan a navçeya Til Temirê ve ketin rê.

Li goristanê merasîm bi rêzigirtin destpê kir. Paşê ji endamên Hêzên Ewlekariya Hundrîn a navçeya Til Temirê Mihemed Merî axivî û sersaxî ji malbata şehîd û rêhevalên wî re xwest û îşaret bi rola şehîd û şervanan di parastina gel û xaka welat de û fedakirina her tiştî giranbuha li dijî êrîşên dewleta Tirk a dagirker û çeteyên wê, kir. Merî soza şopandina rêya şehîdan û berdewamkirina berxwedanê heta rizgarkirina herêmê ji dagirkran da.

Mihemd Merî di axaftina xwe de banga girîngiya hevgirtina hemû pêkhateyên gelê Sûriyê û sekna li dijî êrîşên derve li ser xaka welat kir û tekez kir ku gelên ku li hember DAIŞ`ê sekinîn û ew têk birin dê bi hevgirtina xwe dagirkeran jî têk bibin.

Paşê wesîqeta şehadetê ji aliyê Saziya Malbatên Şehîdan ve hate xwendin û radestî malbata wî hat kirin. Di dawiyê de cenazeyê şehîd Ehmed Mehbûb bi dirûşmeyên dilsoziya bi şehîdan re hate oxirkirin.

(bx)

ANHA