YRA′yê soza dewamkirina veguhastina rastiya êrişên dagirkeriyê da

Yektiya Ragihandina Azad (YRA) bi pêxistina mûman li ser gorên şehîdan li Goristana Şehîd Delîl Saroxan a li Qamişloyê şehîdên êrişên dewleta Tirk a dagirker bi bîr anî.

Di êrişên dewleta Tirk a dagirker ên li Qamişloyê de 8 welatî şehîd bûn di nav de jî sînemager Mensûr Kerîmiyan hebû.

Di çalakiyê de endamên YRA′yê, bi dehan rojnamegerên saziyên ragihandinê beşdar bûn û wêneyan şehîdan hildan. Her wiha hevserok YRA′yê Dilyar Cizîrî daxuyaniyek xwend û êrişên dewleta Tirk a dagirker ên li dijî binesaziyên Bakur û Rojhilatê Sûriyeyê hatin şermezarkirin.

Di daxuyaniyê de hate gotin dewleta Tirk bi serkêşiya Erdogan di siyasetên qirkirinê yên li dijî gelên Bakur û Rojhilatê Sûriyeyê de dewam dike, di êrişên xwe de tu cudahiyê naxe, navber sivîlan, biçûk, mezin, jin û rojnamegeran.

Di dawiyê de hate destnîşankirin ku YRA′yê û tevahî rojnamegerên li Bakur û Rojhilatê Sûriyeyê li ser şop û metoda ragihandina azad a demokratîk dimeşin û soz didin şehîd û gelê xwe de rêya wan a têkoşîna bişopînin û rastiya van êrişan û belgekirina wan veguhêzin û ji raya giştî re parve bikin.

(fr)

 ANHA