Y.J.Ê.R: Şoreşa 19ˊê Tîrmehê encama hevgirtina pêkhateyan e
Y.J.Ê.R diyar kir ku Şoreşa 19ˊê Tîrmehê destpêkeke dîrokî ya ber bi pêkanîna demokrasî, wekhevî û edaletê li Rojhilata Navîn bû û got: "Şoreş encama hevgirtina pêkhateyan bû."
Bi boneya salvegera destpêkirina Şoreşa 19ˊê Tîrmehê Yekitiya Jinên Êzidiyên Rojava (Y.J.Ê.R) daxuyaniyek da.
Y.J.Ê.R di destpêka daxuyaniya xwe de salvegera şoreşê li Rêber Abdullah Ocalan pîroz kir û ev tişt hat gotin: "Bi saya fikir û felsefeya Rêbertî pêkhate û gel li ser rêya azadiyê bûn yek û şoreşa xwe ya ber bi demokrasiyê ve lidar xist."
Y.J.Ê.R di daxuyaniya xwe de şehîdên Şoreşê bi bîr anîn û şervan silav kir û wiha hate gotin: "Şervan li ser soza xwe ya daye şehîdan e û di oxira parastina vî gelî de tê dikoşin."
Her wiha di daxuyaniyê de hate diyarkirin ku Şoreşa 19ˊê Tîrmehê destpêkeke dîrokî ya ber bi pêkanîna demokrasî, wekhevî û edaletê li Rojhilata Navîn bû û hevgirtina pêkhateyan li ser bingeha azadî û rûmetê bû.
Y.J.Ê.R diyar kir ku ew bi vîna şoreşgeran bawer e û dikarin li hember tevahî siyasetên li dijî gelên Rojava bisekinin, tevahî planên li dijî Rêveberiya Xweseriya Demokratîk têk bibin.
Y.J.Ê.R di dawiyê de got parastina destkeftiyên şoreşê erk û berpirsiyariya tevahî keç û xortên Rojava ye.
(fr)
