Xelkê Til Hemîsê sersaxî da malbata şehîd Xesan El Elawî

Xelkê bajarê Til Hemîsê yê kantona Cizîrê sersaxî da malbata şervanên QSDˋê şehîd Xesan El Elawî û soza şopandina rêça şehîdan da.

ROJANE

14 mijdar, 2024 16:53

QAMIŞLO

Xelkê bajarê Til Hemîs, endamên saziyên sivîl, partiyên siyasî, hêzên leşkerî, rûspî û şêxên eşîran sersaxî da malbata şervanên QSDˋê şehîd Xesan El Elawî. Konê sersaxiyê li gundê Ebteh Jorîn ê rojhilatê bajêr hat vedan.

Şervanên Xesan Casim El Elawî di 10ˋê Mijdarê de dema li ser erka xwe bû, şehîd bû.

Di merasîma sersaxiyê de fermandarê QSDˋê Mehmûd El Xelef sersaxî da malbata şehîd û got: "Şehîd rêya azadî û fedakariyê xêz kir."

Cîgira hevserokatiya Meclisa Bajarê Til Hemîs Belqîs El Ebdullah soza da şehîd û malbatên şehîdan ku rêça wan a têkoşînê bişopînin û got: "Em di oxira bidestxistina azadî û rizgarkirina xakê de tevahî projeyên şehadetê ne."

Her wiha hevserokê Meclisa Bajarokê Til Ehmed ê bajarê Til Hemîsê, Ehmed El Xidir jî got: "Welatên azad bi fedekariyên şehîdên leheng tên avakirin."

Di dawiyê de wesîqeya şehîd hat xwendin û radestî malbatê hat kirin.

(fr)

ANHA