Xelkê Kobanê êrişa dijî karwana gel şermezar kir

Bi dehan gelê Kobanê, endamên sazî û dezgehên girêdayî Rêveberiya Xweser têkildarî êrişa dewleta Tirk a dagirker a dijî karwana welatiyan daxuyaniyek da.

Hevserokê kantona Firatê Ferhan Hec Îsa bi awayekî devkî li pêşiya Nexweşxaneya Kobanê daxuyaniyeke devkî da.

Ferhan Hec Îsa ev gist got: "Sivîlên Kobanê dîsa caeke din rastî êrişên dewleta Tirk a dagirker hatin. Em wek gelê berxwedêr di çavên dijmin de kelem in. Gelê Kobanê li hember êrişên dewleta Tirk a dagirker bi her awayî di nava berxwedanê de ye. Gelê me yê ku berê xwe dida Bendava Tişrînê ji bo li hember êrişên dagirkeran biparêze, ji hêla dewleta qirkir a Tirk ve hat hedefgirtin."

Hec Îsa di dewama gotina xwe de wiha got: "Em ê bi hemû bexwedana xwe gelê xwe biparêzin, gelê Kobanê ji bo ku Bendava Tişrînê biparêzin rastî êrişên dagirkeriyê hatin. Di encama êrişa dagirkeriyê de 3 welatî şehîd bûn û 19 jî birîndar bûn."

Hec Îsa wiha berdewamî da axaftina xwe: "Em Rêveberiya Xweser bang li hemû saziyên mafên mirovan dikin ku di leztirîn dem de sûcên dewleta Tirk a dagirker rawestînin."

Ferhan Hec Îsa di dawiyê de got: "Em ê her li kêlek hêzên xwe bin, hêza xwe biparêzin û gelê xwe li hember van êrişên dagirkeran biparêzin. Em ê heta têkbirina tevahî êrişan û misogerkirina aramiyê li ser piya bin."

(sş/fr)

ANHA