Silêman Ehmed 269 roj e girtî ye

Ev 269 roj e PDK`ê girtina edîtorê ajansa Roj News`ê Silêman Ehmed didomîne.

19 tîrmeh 2024 09:30

NAVENDA NÛÇEYAN

Rojnamevan û edîtorê beşa Erebî yê ajansa Roj News`ê Silêman Ehmed ku ji aliyê PDK’ê ve hatiye revandin, piştî 211 rojan agahî jê hat girtin. Parêzeran di 22’yê Gulanê de karîn hevdîtinê li gel Silêman Ehmed bikin. Rojnamevan Silêman Ehmed 269 rojin di girtîgeha PDK’ê ya Dihokê de tê girtin.

Edîtorê beşa Erebî ya ajansa Roj News`ê Silêman Ehmed roja 1’ê Cotmeha 2023’yan ji bo serdanê çûbû cem malbata xwe ya li Taxa Şêx Meqsud a Helebê. Silêman roja 25’ê Cotmeha 2023’yan dema xwest di deriyê Pêş Xabûr (Sêmalka) re derbasî Başûr bibe, ji aliyê hêzên PDK’ê ve hat revandin û piştî 7 mehan parêzeran karîn hevdîtinê li gel wî bikin. Rojnamevan Silêman Ehmed 269 roj e di girtîgeha PDK’ê de tê girtin.

Herî dawî 3’yê Hezîranê Dadgeha Sûc ya Yek ya Duhokê roja yekê ya rûniştina dadgehê ya edîtorê beşa Erebî yê ajansa Roj News`ê Silêman Ehmed weke 30’ê Hezîrana îsal, diyar kir. Lê dadgehê bi hiceta dadwer ne amade ye û asayîşê kel û pelên rojnamevaniyê neşandiye, danişîn ji bo 29’ê Tîrmehê taloq kir.