Şêniyên Girkê Legê banga bilindkirina asta têkoşînê kir

Şêniyên Girkê Legê di civîneke gelêrî de teqezî bi bilindkirina asta têkoşînê li hemberî sîstema êşkence û qirkirinê da.

ROJANE

12 îlon, 2024 23:44

QAMIŞLO

Civîn ji aliyê Partiya Yekitiya Demokratîk (PYD) ve li navnda Yekitiya Karkeran a bajarê Girkê Legê hat lidarxistin. Tê de bi dehan şêniyên herêmê, nûnerên saziyên civaka sivîl û partiyên siyasî beşdar bûn.

Di serî de endama PYD'ê Zêneb Murad li ser sedemên hedefgirtina fikrên Rêber Abdullah Ocalan ji aliyê pergalên kapîtalîzm ve axivî û got: "Dewletên kapîtalîst siyasetên qirêj li herêmê didin meşandin, armanca wan jî têkbirina tevgera azadiya Kurdistanê ye."

Zêneb Murae wiha domand: "Desthilata Tirk a dagirker sîstema êşkence û qirkirinê li dijî Rêber Abdullah Ocalan giran kiriye da ku îradeya gelê me têk bibe. Lê belê pêwist e em ji her tiştî re amade bin û nehêlin kes me ji fikrên Rêber Abdullah Ocalan dûr bixe."

Zêneb Murad diyar kir ku desthilata Tirk a dagirker naxwaze gel bibe yek ji ber wê ew li dijî wî êrişan pêk tîne.

Di dawiya axaftina xwe de bang li beşdaran û gelên Herêma Bakur û Rojhilatê Sûriyeyê û Kurdistanê kir ku asta têkoşînê bilind bikin.

(mh)

ANHA