Şêniyên Eyn Îsayê şehîdên 14’êTîrmehê bi bîr anîn

Şêniyên Eyn Îsayê şehîdên 14`ê Tîrmehê bi çalakiyekê bi bîr anîn û teqezî bi berdewamkirina têkoşînê li ser şopa wan heta bidestxistina edaletê û azadiyê kir.

ROJANE

13 tîrmeh, 2024 14:49

EYN ÎSA

Nivîsgeha rêxistina Partiya Yekitiya Demokratîk (PYD) ya bajarê Eyn Îsayê ji bo bîranîna şehîdên berxwedana 14`ê Tîrmehê semînerek li hola civînan da. Şêniyên bajêr û koçberên bajarê Girê Spî di semînerê de hazir bûn.

Hevserokê Nivîsgeha Rêxistina PYD`yê ya Eyn Îsayê Sabrî Nebo got: "Gelê herêmê bi saya fedakariyên şehîdan di serî de şehîdên 14`ê Tîrmehê mîna Mehmet Heyrî Durmuş, Kemal Pîr, Akif Yilman û Elî Çîçek, di nava ewlehiyê de ne."

Nebo wiha domand: "Berxwedana 14`ê Tîrmehê serkeftina ramanên mirovî û demokrasiyê bû ku Rêber Abdullah Ocalan daniye ji bo ku rêya gelê xwe ronî bike û kevirê bingehîn ên têkoşîna çekdarî ya li dijî dewleta Tirk a faşîst (Pêngava 15`ê Tebaxê) û şoreşa 19`ê Tîrmehê ye."

Nebo diyar kir ku berxwedana 14`ê Tîrmehê, bersivdayîna hovîtiya dewleta Tirk a faşîst a li dijî girtiyên tevgera rizgariya Kurdistanê bû ku li dijî mêtingeriyê û faşîzmê li ber xwe dan.

Nebo soz da ku rêya şehîdên azadiyê berdewam bikin ta ku edaletê û azadiyê bi dest bixin.

(şx)

ANHA