Şehîd Îbrahîm El Hesen li Hesekê hat oxirkirin
Şêniyên bajarê Hesekê û Til Birakê cenazeyê şervanê QSDˊê şehîd Îbrahîm El Hesen li Goristana Şehîd Dijwar a li gundê Dawûdiyê oxir kir.
Şervanê Hêzên Sûriya Demokratîk (QSD) şehîd Îbrahîm El Hesen (Demhat) bi beşdariya dehan şêniyên bajarê Hesekê û Til Birakê li Goristana Şehîd Dijwar a li gundê Dawûdiyê hat oxirkirin. Şehîd Demhat dema li ser erka xwe bû di 16ˊê Tîrmehê de şehîd bû.
Di merasîmê de, endama Meclisa Malbatên Şehîdan a Til Birakê Ruba Mihemed axivî û got: “Tu axaftin nikarin wesfê şehîdan bidin. Ji ber ku canê xwe di oxira pêkanîna ewlehî û aştiyê de feda kirin."
Li aliyekî din jî yek ji fermandarên Meclisa Leşkerî ya kantona Cizîrê Aras Til Hemîsê axivî û got: “Em soz didin malbata şehîd Îbrahîm û tvahî şehîdên azadiyê ku rêya wan bişopînin da ku em serkeftinê misoger bikin û pêkhateyên Sûriyeyê biparêzin."
Di dawiya merasîmê de, endama Meclisa Malbatên Şehîdan Weed El Ilêwî wesîqeya şehîd xwend û radestî malbatê kir.
(mg/fr)
