Rûsya rewşa Awarte li Qirimê ragihand

Rayedarên herêmî yên Rûsyayê îro li Qirimê rewşa awarte ya herêmî ragihand da ku encamên êrişên dawî yên Ukraynayê yên ku bûne sedema kêmbûna giran a sotemenî û elektrîkê çareser bikin.

Parêzgarê Qirimê Sergei Aksyonov di daxuyaniyekê de li ser Telegramê got ku "çarçoveya qanûnî ya rewşa awarte dihêle ku em pirsgirêkên têkildarî domandina xebata hemû beşên girîng bi leztirîn awayî çareser bikin."

Ev biryar bajarê Sevastopolê jî di nav xwe de digire.

Aksyonov roja pêncşemê destpêkirina dabeşkirina elektrîkê li seranserê nîvgiravê ragihand da ku kêmasiyên ji ber topbarana Ukraynayê çêbûne çareser bike.

Qirimê çalakiyên geştiyariyê û kampên havînê yên zarokan heta Îlonê rawestandin, bi hinceta kêmbûna sotemeniyê û fikarên ewlehiyê.

Rayedarên herêmî jî roja yekşemê firotina sotemeniyê ji kesan û karsaziyan re ji ber kêmbûna wê ya di encama êrişên Ukraynayê çêbûne de rawestand.

Kêmbûna sotemeniyê bi taybetî li Qirimê, ku Rûsyayê di sala 2014ˊan de ji Ukraynayê vegirt, giran bû.

Îsal, Ukraynayê êrişên xwe yên li ser rafineriyên petrolê, tesîsên depokirinê û rêyên dabînkirinê yên Rûsyayê zêde kirine, ev yek bihayên benzînê bilind kiriye û rayedar neçar kiriye ku li hin deveran rêjeya firotanê ferz bikin.

Kîev bi hedefgirtina rêyên dabînkirinê û binesaziya Rûsyayê dixwaze nîvgirava Deryaya Reş îzole bike. Lê Moskov wan rêya ji bo piştgiriyê bide êrişên xwe yên leşkerî li dijî hêzên Ukraynayê bi kar tîne.

(fr)