Peyama Newrozê: Ji bo Rêber Apo azadî û yekîtiya gelê Kurd

Gelê Rojava di pîrozbahiyên Newrozê de daxwaza xurtkirina yekitiya neteweyî kir û bang li gelê Kurd kir ku têkoşînê bidomînni heya mafên xwe yên çandî û siyasî di destûra Sûriyeyê de misoger bikin.

ROJANE

24 adar, 2026 16:48

NAVENDA NÛÇEYAN

Şêniyên Tirbespiyê, Qamişlo, Amûdê, Dirbêsiyê, Til Temir, Zirgan û Hesekê îro berê xwe dan qadên Newrozê.

Qadên Newrozê bi rengê kesk, sor û zer, dirûşmên Newrozê û wêneyên Rêber Abdullah Ocalan, Kawayê Hemdem Mazlûm Doxan, Şehîd Ziyad Efrîn û şehîdên taxa Şêxmeqsûd, Şehîd Ehmed Hêmin Omer, ala Şoreşa Rojava, Yekîneyên Parastina Gel (YPG), Yekîneyên Parastina Jin (YPJ), Meclîsa Malbatên Şehîdan hat xemilandin.

Newroz bi dirûşma “Em Newrozê Bikin Newroza Azadiya Rêber Apo û Yekîtiya Demokratîk a Kurdan” hat pîrozkirin.

Li ser dikên Newrozê wêneyê Rêber Abdullah Ocalan, Kawayê Hemdem Mazlûm Doxan, şehîdên berxwedana Şêxmeqsûdê û “Newroz Pîroz Be”, ala kesk, zor û zer a Şoreşa Rojava hatin xemilandin.

Piştî axaftinan, peyamên Newrozê hatin xwendin. Her wiha stran hatin gotin, govend gerandin û şano pêşkêş kirin.

Pîrozbahiyên Newroz bi peyama ku sal bi sal dê agirê Newrozê geştir bibe, bi dawî bûn.

QAMIŞLO

TIRBESPIYÊ

AMÛDÊ

HESEKÊ

DIRBÊSIYÊ