Navenda Jineolojiyê projeya "Edalet û Pêşveçûn" dest pê kir

Projeya ‘Edalet û Pêşveçûn’ a Navenda Raman û Lêkolînê ya Jineolojiyê, lêkolîn, perwerde û xebata meydanî tîne cem hev û çalakiyên di çarçoveya 16 rojên çalakiyên li dijî tundiya ser jinan digre nave xwe.

Navenda Jineolojiyê projeya "Edalet û Pêşveçûn" dest pê kir
17 mijdar, 2026   15:05
NAVENDA NÛÇEYAN

Projeya ‘Edalet û Pêşveçûn’ ku ji aliyê Navenda Raman û Lêkolînê ya Jineolojiyê ve hatiye destpêkirin, çalakiyên civakî û hişyarî ku gelek qadên ku armanc dike ku analîza derbarê mijarên jinan û şopandina awayên cûda yên tundiyê û bihêzkirina aborî ya jinên xebatkar, pêşxistina  baştirkirina têgihîştina mafan digre nav xwe.

Projeya ‘Edalet û Pêşveçûnê’ ku ji Mijdara 2026’an dê heta Kanûna 2027’an dom bike, ji aliyê Navenda Raman û Lêkolînê ya Jineolojiyê ve ket mergyetê. Armanca projeyê ew e ku bi rêya bernameyek berfireh a lêkolîn, perwerde û xebata meydanî, desteka mafên jin û keçan bike, beşdariya wan di jiyana giştî de teşwîq bike û edaleta hiqûqî û civakî bi xurtkirina aborî û pêşkeftina domdar ve girêbide.

GELEK KES BEŞDAR BÛN

Di merasîma destpêkirina projeyê de gelek pispor, rayedar û akademîsyen amade bûn. Di merasîmê de Seroka Navenda Raman û Lêkolînê ya Jineolojiyê Dr. Dîna Mohsen, Rêvebera Cîbicîkar a Navendê Nujin Youssef, Parêzvana mafên mirovan Karîma El-Hefnawy, Balyoza Yemenê Amna Mohsen, Dr. Mona El-Hadidi, Profesora Medyayê li Zanîngeha Qahîreyê û Endama Konseya Bilind a Rêziknameya Medyayê, nivîskar û lêkolînera Filistînî Sonia Abbas û lêkolîner û rojnamevan Nisrîn Maatouk amade bûn.

PROJE JI ŞEŞ STÛNÊN SEREKE PÊK TÊ

Seroka Navendê Dr. Dîna Mohsen, diyar kir ku proje li ser wê ramanê ye ku edalet wek deriyek ji bo bidestxistina wekhevî, derfetên wekhev û civakek bêtir yekgirtî xizmet dike. Wê ragihand ku ev armanc bi rêya hilberîna zanînê, lêkolîna li ser bingeha mafên mirovan û pêşxistina hişmendî û diyalogê ji bo têkoşîna li dijî tundî, cudakarî û dûrxistinê tê pêkanîn. Dîna Dr. Mohsen destnîşan kir ku proje bi taybetî li ser têkoşîna li dijî tundiya li dijî jinan disekine û ev agahî dan: “Hin çalakî bi kampanyaya ‘16 Rojên Çalakiyê li dijî tundiyê’ re hemaheng in û di vî warî de bi rêya çalakiyên hişyarkirinê û mafên bingehîn dixebite. Çalakî ev in: ligel çareserkirina pirsgirêkên wekî tundiya dijîtal, tundiya nava malê û şantajên dijîtal, proje ji bo jinên bûne hedef, platformek peyda dike da ku şahidiyên xwe parve bikin û hişyariyê li ser mekanîzmayên parastinê yên heyî zêde bikin. Proje ji şeş stûnên sereke pêk tê: Edaleta yasayê û mafên mirovan ku bi rêya atolyeyên ‘Mafê wê yê anînê’ û analîzkirina yasayên derbarê jinan de tê meşandin. Têkoşîna li dijî tundiya bi rêya kampanyayên hişyarkirinê, rûniştinên guhdarîkirinê û çavdêriya cûrbecûr cûreyên tundiyê û xurtkirina aborî ku balê dikişîne ser jinên ku di qada nefermî de dixebitin, pirsgirêkên parastina civakî, cûdahiyên mûçeyên zayendî û karsaziyê. Stûnên din; bi rêya belgekirina ezmûnên jinan li Filistîn, Sûdan, Yemen û Sûriyeyê mijara jinan û aştiyê li herêmên şer çareser dikin û bi rêya atolyeyên ‘Pênûsên Jinan’ û perwerdeyên li ser amûrên hişê çêkirî, edaleta agahdarî û medyayê çareser dikin. Wekî din, proje bi dayîna perwerdeya di warên serokatiyê, danûstandin û rêveberiya karsaziyê de beşdariya siyasî û civakî ya jinên ciwan, destek dike.”

BERFIREHKIRINA BALKIŞANDINA SER JINAN A LI HERÊMÊN ALOZÎ LÊ HENE

Rêvebera Cîbicîkar a Navendê Nûjîn Yûsif, bal kişand ser girîngiya berfirehkirina çarçoveya çareserkirina pirsgirêkên jinan a li herêmên şer  bi taybet li Sûriye, Yemen, Sûdan, Filistîn û Efganistanê. Nûjîn Yûsif jî ev agahî dan: “Ev pêvajo lêkolîna yasayî, kevneşopî û rêziknameyên ku bandorê li mafên jinan dikin û her wiha ronîkirina modelên rolê yên jinan di serokatiyê, biryardanê, parêzvaniya mafên mirovan û xebata civakî de girt dest. Ezmûnên jinên Kurd di çarçoveya Şoreşa Rojava de ku wek ‘Şoreşa Jinan’ tê zanîn, hatin nîqaşkirin. Ev proje, tevî yên ku di qada nefermî de dixebitin, kesên ku debara xwe dikin û yên dibin hedefên tundî û şer,  jin û keçan dike hedef. Her wiha bi lêkolîner, parêzvanên mafên mirovan, pisporên medyayê, rêberên jinan û rêxistinên civaka sivîl re jî hevkariyê dike.”

PROJE DIXWAZE ENCAMÊN LÊKOLÎNÊ BIKE PÊŞNIYAR

Ji bo şopandina pêvajoya pêkanînê, Navendê nîşaneyên cûrbecûr da ku encamên karê ku hatiye kirin bipîve (wek lêkolîn, semîner, komxebatên perwerdeyê, kampanya û hevkarî), pêşxistina hişmendiya beşdaran a li ser mafên wan û asta gihîştina encamên lêkolînê ji biryarderan danîne. Her wiha projeya armanc dike ku çavdêrgehek agahdariyê ji bo rewşa jinan bişopîne, raporek salane biweşîne, tabanek lêkolîner, pispor û parêzvanên mafên mirovan ên jin biafirîne û platformek parêzvanî û torê ava bike. Wekî din, proje armanc dike ku encamên lêkolînê veguherîne pêşniyarên polîtîka û rêziknameyê. Dê raporên şopandinê yên sê mehan carekê ji bo ku pêşketinê bişopîne û dijwariyên rastî wan tên nas bike, amade bike.

Proje bi mijara ‘Edalet û Pêşveçûn: Ji mafan ber bi beşdarbûnê, ji wekheviyê ber bi pêşveçûnê’, li ser bingeha wê baweriyê ku xurtkirina mafên jinan û beşdariya wan a civakî kevirê bingehîn ê avakirina civakek dadmendtir û domdartir e, tê meşandin.