Li Qamişlo çalakiyên 4ˊê Nîsanê

Di çarçoveya çalakiyên bi boneya rojbûna Rêber Abdullah Ocalan de, li bajarê Qamişlo şahî hatin lidarxistin.

ROJANE

2 nîsan, 2024 23:40

QAMIŞLO

Di çarçoveya çalakiyên bi boneya ˊ4'ê Nîsanêˊ rojbûna Rêber Abdullah Ocalan de, şêniyên bajarê Qamişlo li taxên Qidûrbeg, Enteriyê, Kornîş û Navenda Mihemed Şêxo ya Çand û Hunerê şahî li dar xistin.

Di şahiyan de bi sedna şêniyên bajêr, endamên Partiya Yekitiya Demokratîk (PYD) û saziyên civaka sivîl beşdar bûn.

Li taxa Qidûrbeg li pêşiya meclisa taxê, li taxa Enteriyê li pêşiya navenda Kongra Star û li taxa Kornîş li pêşiya nivîsgeha PYD'ê şahî hatin lidarxistin.

Hemwextî wê, li Navenda Mihemed Şêxo ya Çand û Hunerê Yekitiya Jinên Ciwan şahiyek li dar xist. Tê de endamên Tevgera Ciwanên Şoreşger a Sûriyeyê, Yekitiya Jinên Ciwan û xwendekarên zanîngeha Rojava beşdar bûn.

Di şahiyê de stranên folklorî û şoreşgerî ji aliyê koma şehîd Gabar, koma Qidûrbeg û koma şehîd Vejîn hatin pêşkêşkirin.

Her wiha broşorên li ser jiyana Rêber Abdullah Ocalan hatin belavkirin.

Şahî bi gerandina govendan bi dawî bû.

(mh)