Li bajarên Rojava xwepêşandan ji bo serbestberdana dîlgirtiyan hatin lidarxistin

Malbatên dîlgirtiyan û şêniyên bajarên Rojava daxwaza serbestberdana zarokên xwe yên ku ji destpêka Çileyê ve ji aliyê hikûmeta demkî ve hatine girtin kirin.

ROJANE

2 gulan, 2026 19:49

NAVENDA NÛÇEYAN

Îro, li bajarên Qamişlo, Amûdê, Dirbêsiyê, Hesekê û Dêrikê yên herêma Cizîrê xwepêşandan hatin lidarxistin, malbatan û şêniyên bajaran daxwaza serbestberdana dîlgirtiyên ku ji destpêka Çileyê ve ji aliyê hikûmeta hemkî ve hatine girtin kirin.

Xwepêşandan li Qamişloli Qada Şehîdan, li Amûdê û Dirbêsiyê li Qada Jina Azad, li Hesekê li Qada Kevokê û li Dêrikê li Qada Azadî hatin lidarxistin.

Malbatên dîlgirtiyan û niştecihên herêmê beşdarî çalakiyan bûn û pankartên ku li ser wan nivîsandibûn: "Azadî ji bo dîlgirtiyên me", "Em ê heta ku girtiyê dawîn azad nebe, nesekinin", "Girtiyên me vegerînin", "Em ê girtiyên xwe ji bîr nekin û em ê bêdeng nemînin" û "Dengê dîlgirtiyan nayê bêdengkirin" li kêleka wêneyên dîlgirtiyan hilgirtin.

beşdaran dirûşmên "Em girtiyên xwe dixwazin, em hevalên xwe dixwazin", "Em birayên xwe dixwazin", "Em şervanên xwe dixwazin", "Azadî, azadî ji bo girtiyên azad" û "Zindaniyan hilweşînin û girtiyên me berdin", berz kirin.

(k)

ANHA

QAMIŞLO