Li Bab, Ezaz, Mareyê çalakiyên HRE’yê: 8 dagirker hatin kuştin
HRE’yê li Bab, Ezaz û Mareyê çalakiyên bibandor li dijî artêşa Tirk a dagirker û çeteyên wê li dar xistin. Di çalakiyan de 8 dagirker hatin kuştin.
Hêzên Rizgariya Efrînê (HRE) bi daxuyaniyekê ragihand ku li xetên Bab, Ezaz û Mareyê çalakî li dijî êrişên dagirkeriyê yên artêşa Tirk û çeteyên wê li dar xistine. HRE’yê da zanîn ku di wan çalakiyan de 8 dagirker hatine kuştin.
Li gorî daxuyaniyê agahiyên der barê van çalakiyan de bi vî rengî ne:
“Hêzên me li dijî êrişên dewleta Tirk a dagirker û komên çeteyên girêdayî wê çalakiyên bibandor li dar dixin û derban li wan dixin.
26’ê Tîrmehê li xeta Babê di çalakiya sekvanî de dagirkerek hat kuştin.
27’ê Tîrmehê li xeta Ezazê hêzên me çalakiyeke serdegirtinê li ser 2 çeperên dagirkeran li dar xist. Çeperên dagirkeran ên li wir bi temamî hatin îmhakirin û 6 çete hatin kuştin.
28’ê Tîrmehê li xeta Mareyê di çalakiyeke taybet de çeteyek hat kuştin û 2 çete jî birîndar bûn.
Bi giştî di çalakiyên hêzên me de 8 dagirker hatin kuştin û 2 dagirker jî birîndar bûn.”
(bb)
