Li Amûdê ji bo serbestberdana dîlgirtiyan xwepêşandan hat lidarxistin

Li bajarê Amûdê, malbat û hevalên dîlgirtiyan xwepêşandanek li dar xist û daxwaza berdana dîlgirtiyên ku ji aliyê hikumeta demkî ve hatine girtin, kir.

Xwepêşandan li Qada Şehîd Cîhad a li bazara bajêr dest pê kir. Beşdaran dirûşmên "Bijî berxwedana zindanan", "Em dîlgirtiyên xwe dixwazin", "Em şervanên xwe dixwazin" û "Bi can û xwînê, em ê dîlgirtiyên xwe rizgar bikin" qîr kiri û wêneyên dîlgirtiyan bilind kirin.

Dema ku xwepêşander gihaştin navenda bajêr, çalakvan Egîd Îbrahîm daxuyaniyek xwend.

Di daxuyaniyê de hat gotin: "Ciwanên me yên ku di zindanên hikûmeta demkî de girtî ne, ew kesên ku li dijî terorîzma DAIŞ`ê rawestiyan û erkê xwe yê exlaqî û mirovî yê parastina herêm û cîhanê bi cih anîn. Ev xort û keçên ciwan, bi nasnameya xwe ya Kurd a cuda, di nav yên pêşîn de bûn ku li dijî rejîma Baasê rawestiyan. Em Kurd di berxwedana li dijî dîktatorî, rejîmên zordar û rêxistinên terorîst de pêşeng bûn.”

Di daxuyaniyê de ji hikumeta demkî hat xwestin ku tavilê dîlgirtiyan serbest berde û ji Hêzên Sûriyeya Demokratîk hat xwestin ku ji bo berbestberdana wan bixebite.

(k)