Kongreya Îslama Demokratîk bernameyeke bîranînê li dar xist

Kongra Îslama Demokratîk îro li Mezargeha Şehîd Delîl Saroûxan a Qamişloyê çalakiyeke bîranînê li dar xist û zanayên olî bi bîr anîn. Zanayên olî, malbatên şehîdan, nûnerên saziyên bajêr û kesayetên civakî û rewşenbîr beşdarî çalakiyê bûn.

Şehîdên ku hatin bîranîn ev in: Rênas, Mehmûd Sîda, Ehmed El Temî, Ferhad, Yûsif Xelîfe û Meşûq El Xeznewî.

Çalakiyê bi rêzgirtinê dest pê kir, piştre endamê kongreyê Sultan Temo diyar kir ku berxwedana wan îspat kir ku gel di dîrokê de bûne qurbanê polîtîkayên neheqî û zordariyê yên ku ji hêla desthilatdaran ve têne meşandin û hîn jî dibin qurbanî.

Li ser navê malbatên şehîdan Hisên Ebdilrehman axivî û şehîdên Berxwedana 14`ê Tîrmehê û alimên olî yên ku xwe ji bo parastina rastiyê feda kirine, bi bîr anîn.

Di çalakiyê de peyameke tomarkirî ya Şêx Murşîd Maşûq El Xeznewî jî hat guhdarkirin.

Hevserokê Kongreya Îslama Demokratîk şêx Miheme Elxerzî jî zanyarên olî yên şehîd ên ku "jiyana xwe kirin pira rastiyê" bi bîr anîn.

Endama kongreyê Delal Xelîl behsa girîngiya avakirina çandeke hevjiyanê kir û destnîşan kir ku cihêrengî û cudahî ji bo avakirina civakên aram rêgezên bingehîn in.

(k)

ANHA