Konferansa Aştî û Civaka Demokratîk a Navneteweyî dest pê kir

Konferansa Aştî û Civaka Demokratîk a Navneteweyî bi axaftinên Hevserokên Giştî yên DEM Partiyê û xwendina peyama Rêbê Gelê Kurd Abdullah Ocalan dest pê kir.

6 kanûn, 2025 11:17

NAVENDA NÛÇEYAN

Konferansa Aştî û Civaka Demokratîk a Navneteweyî ya DEM Partiyê dest pê kir. Konferans dê îro û sibê li Navenda Çandê ya Cem Karaca ya li navçeya Bakirkoy ya bajarê Stenbolê a Tirkiyê dest pê kir. Ji Kurdistanê, Tirkiyeyê û gelek welatên cîhanê rewşenbîr û siyasetmedar tev li konferansê bûn. Hevserokê Giştî yên DEM Partiyê Tuncer Bakirhan û Tulay Hatimogullari, bi sedan rewşenbîr û siyasetmedar beşdarî konferansê bûn.

Konferans dê bi axaftina Tulay Hatimogûllari, Tuncer Bakirhan û Veysî Aktaş dest pê bike.

Hat zanîn ku Veysî Aktaş dê piştî axaftina her du hevserokan peyama Rêberê Gelê Kurd Abdullah Ocalan ku şandiye konferansê bixwîne.

Hevseroka Têkiliyên Derve ya Rêveberiya Xweser a Bakur û Rojhilatê Sûriyeyê Îlham Ehmed jî dê bi rêya vîdeokonferans beşdarî konferansê bibe.

Di rûniştina yekemîn a konferansê de, dê li ser “Perspektîfên ji bo Aştiya Civakî” nîqaş û axaftin bên kirin.