Karwanê oxirkirina 7 şehîdan ber bi Pakrewangeha Şehîd Delîl Sarûxan ve bi rê ket

Bi beşdariya bi hezaran şêniyên kantona Cizîrê, nûnerên saziyên sivîl, rûspiyên êlên Kurd û Ereb, Rêveberiya Xweser û saziyên jinan û yên ciwanan, karwanê oxirkirina 7 şehîdan ber bi Pakrewangeha Şehîd Delîl Sarûxan ve bi rê ket.

ROJANE

21 ÇILE, 2025 12:00

QAMIŞLO

Karwanê oxirkirina şehîdan ji navenda Saziya Malbatên Şehîdan a li taxa Enteriyê ya Qamişloyê ya kantona Cizîrê, ber bi Pakrewangeha Şehîd Delîl Sarûxan ve bi rê ket.

Navên şehîdan wiha ye: Şanoger Cûma Xelîl (Bavê Teyar), endamên Meclisa Malbatên Şehîdan Kêfo Osman û Ekrem Rexo, hevseroka Ofîsa Partiya Yekitiya Demokratîk a Qamişloyê Menîce Heyder û endamên Meclisa Qamişloyê Muzefer Mihemed û Ebdulqadir Îbrahîm ku dema nobedariya bendava Tişrînê dikir, di êrişa artêşa Tirk a dagirker de şehîd bûbûn.

Her wiha cenazeyê şervanê Hêzên Sûriyeya Demokratîk Xebat (Şahîn Nezîr Îbrahîm) ku li Dêrazorê di pevçûnên li dijî komên çete yên bermahiyên rejîma Baasê de şehîd bûbû.

Darbestên şehîdan bi kulîlkan û alên Meclisa Malbatên Şehîdan, Partiya Yekitiya Demokratîk û Hêzên Sûriyeya Demokratîk hatin xemilandin.

Bi hezaran şêniyên kantona Cizîrê ji bo pêşwazîkirina cenazeyên şehîdan li ber Pakrewangeha Şehîd Delîl Sarûxan kom bûne.

Li Qamişloyê şîna giştî hatiye ragihandin, dikan hatine girtin û tevgera çûn û hatinê rawestiyaye.

(k)

ANHA