Karwanê duyemîn ê koçberên Efrîn bi rê ket

Karwanê duyemîn ê koçberên Efrîn ku ji 200 malbatên ji navçeya Raco û navenda Efrîn pêk tê, berê xwe dane cih û warê xwe.

ROJANE

4 nîsan, 2026 08:00

Karwanê duyemîn ên koçberên Efrîn di çarçoveya lihevkirina 29`ê Çileyê ya di navbera QSD`ê û hikumeta demkî ya Sûriyeyê ji bo vegera Efrînê bi rê ket.

Ji saetên sibehê ve koçber li Çerxerêya Yûsif Gulo ya li bajarê Qamişlo kom bûn û ji wir bi rê ketin.

Li gorî agahiyên ku Meclisa Koçberên Efrîn û Şehbayê dane me, 200 malbatan, bi karwanekî ku ji 80 wesayitan (48 barhilgir, 14 bas) pêk tê, berê xwe dan Efrînê.

Koçberên ku berê xwe dane cih û warên xwe ji navçeya Raco û navenda bajarê Efrîn in.

Rêxistina bi navê " El-Xiwez El-Bedaa" jî wekî alîkar tevlî karwanê koçberan bû.

Cîgirê Fermandarê Giştî yê Hêzên Ewlekarya Hundirîn ên Parêzgeha Hesekê Mehmûd Xelîl li ser hesabê xwe yê X`ê bi postekê vegera karwanê duyemîn eşkere kir. Xelîl da zanîn ku dê karwan li ser rêya M4 bighêje Efrîn.

Karwanê yekemîn ê ku ji 400 malbatan pêk dihat, 9`ê Adarê vegeriybûn Efrîn.

)sb)

ANHA