‘Jin dikarin bi hevgirtina navnetewî sîsteman biguherînin’
Çalakvanên jin destnîşan kirin ku jinan bi têkoşîna xwe gelek destkeftî bi dest xistine û bûne îrade, lê dikarin bi hevgirtina navnetewî guhertina sîsteman jî pêk bînin.
Çalakvanên jin Necla Temo û Stêr Qasim derbarê rewşa jinan a li Herêma Bakûr û Rojhilatê Suriyeyê û asta têkoşîna wan a li hemberî zihniyeta baviksalariyê de ji ANHA`yê re axivîn.
Necla Temo diyar kir ku pirsgirêka jinan hîn bi temamî nehatiya çareserkirin, lê bi Hevpeymana Civakî re wê wekhevî çêbibe û jin bigihîjin armancên xwe yên ku ji bo wê bi salane têdikoşin.
`EM DESTKEFTIYÊN XWE DIPARÊZIN`
Necla destnîşan kir ku piştî sala 2011`an jinan bêhtir rastiya xwe nas kiriye û di refên pêşî yên şoreşê de cih girtine, sala 2014`an bi avakirina Rêveberiya Xweser re gelek destkeftî bi dest xist û got: “Em jî niha wan destkeftiyan di asta civakî, siyasî, qanûnî û derûnî de diparêzin.”
Necla Temo da zanîn ku di encama têkoşîna dijwar de rêxistinbûna jinan jî pêş ketiye û wiha dom kir: “Kongra Star wekî encama vê têkoşînê derketiye holê. Ji sala 2016’an ve jî, ji bilî jinên Kurd, yên Ereb, Suryan, Asûr û Ermen tevlî bûn. Ev bûye jêderek ku jin karibin temsîla civaka xwe bikin.”
`ÎRADEYA JIN A XWEPARASTINÊ HEYE`
Necla Temo bal kişand îradeya jinê derketiye pêş, di hemû rêveberiyan de cih digire, lê hîn jî pirsgirêkên ku divê werin çareserkirin jî hine û wiha pê de çû: “Bûyerên mîna destdirêjî, tundî û qetilkirinê hene. Lewma pêwîstî heye ku jin piştgiriya hev bikin. Divê di aliyê tanduristî û perwerdeyê de hişmendiyek bi nêrîna jinê derkeve holê. Jin xwedî îradeyeke xurtin û dikarin xwe biparêzin.”
`DIVÊ JIN ASTA TÊKOŞÎNA XWE BILINDTIR BIKIN`
Stêr Qasim jî diyar kir ku heta 2011`an li herêmê derfetên ku jin karibin xwe zêdetir rêxistin bikin û bibin îrade nebû, lê bi pêvajoya şoreşê re gavên girîng hatine avêtin û got: “Di qadên cuda de xebat hatin meşandin û destkeftî çêbûn. Lê asta ku jin gihîştinê, asta tê xwestin nîn e. Divê asta têkoşînê bilindtir bibe.”
`LI HERÊMÊ DERFETA JINAN HEYE`
Stêr Qasim destnîşan kir ku di dema pêkanîna guhertinan de astengî derdikevin û wiha dom kir: “Ji bo ku jin karibin zihniyeta baviksalarî têk bibin, wê rastî van zehmetiyan werin. Lewma divê jin dest ji hêz û îradeya xwe bernedin. Di nava Rêveberiya Xweser ev derfet heye.
Stêr Qasim anî ziman ku têkoşîna jinan a li herêmê têrker nîn e, divê jin rêxistinbûn û pêwendiyên xwe di asta navnetewî de mezin bikin, bi vî rengî jî wê karibin bi hevgirtinê guhertina sîsteman pêk bînin.
(a)
ANHA
‘Jin dikarin bi hevgirtina navnetewî sîsteman biguherînin’
Çalakvanên jin Necla Temo û Stêr Qasim derbarê rewşa jinan a li Herêma Bakûr û Rojhilatê Suriyeyê û asta têkoşîna wan a li hemberî zihniyeta baviksalariyê de ji ANHA`yê re axivîn.
Necla Temo diyar kir ku pirsgirêka jinan hîn bi temamî nehatiya çareserkirin, lê bi Hevpeymana Civakî re wê wekhevî çêbibe û jin bigihîjin armancên xwe yên ku ji bo wê bi salane têdikoşin.
`EM DESTKEFTIYÊN XWE DIPARÊZIN`
Necla destnîşan kir ku piştî sala 2011`an jinan bêhtir rastiya xwe nas kiriye û di refên pêşî yên şoreşê de cih girtine, sala 2014`an bi avakirina Rêveberiya Xweser re gelek destkeftî bi dest xist û got: “Em jî niha wan destkeftiyan di asta civakî, siyasî, qanûnî û derûnî de diparêzin.”
Necla Temo da zanîn ku di encama têkoşîna dijwar de rêxistinbûna jinan jî pêş ketiye û wiha dom kir: “Kongra Star wekî encama vê têkoşînê derketiye holê. Ji sala 2016’an ve jî, ji bilî jinên Kurd, yên Ereb, Suryan, Asûr û Ermen tevlî bûn. Ev bûye jêderek ku jin karibin temsîla civaka xwe bikin.”
`ÎRADEYA JIN A XWEPARASTINÊ HEYE`
Necla Temo bal kişand îradeya jinê derketiye pêş, di hemû rêveberiyan de cih digire, lê hîn jî pirsgirêkên ku divê werin çareserkirin jî hine û wiha pê de çû: “Bûyerên mîna destdirêjî, tundî û qetilkirinê hene. Lewma pêwîstî heye ku jin piştgiriya hev bikin. Divê di aliyê tanduristî û perwerdeyê de hişmendiyek bi nêrîna jinê derkeve holê. Jin xwedî îradeyeke xurtin û dikarin xwe biparêzin.”
`DIVÊ JIN ASTA TÊKOŞÎNA XWE BILINDTIR BIKIN`
Stêr Qasim jî diyar kir ku heta 2011`an li herêmê derfetên ku jin karibin xwe zêdetir rêxistin bikin û bibin îrade nebû, lê bi pêvajoya şoreşê re gavên girîng hatine avêtin û got: “Di qadên cuda de xebat hatin meşandin û destkeftî çêbûn. Lê asta ku jin gihîştinê, asta tê xwestin nîn e. Divê asta têkoşînê bilindtir bibe.”
`LI HERÊMÊ DERFETA JINAN HEYE`
Stêr Qasim destnîşan kir ku di dema pêkanîna guhertinan de astengî derdikevin û wiha dom kir: “Ji bo ku jin karibin zihniyeta baviksalarî têk bibin, wê rastî van zehmetiyan werin. Lewma divê jin dest ji hêz û îradeya xwe bernedin. Di nava Rêveberiya Xweser ev derfet heye.
Stêr Qasim anî ziman ku têkoşîna jinan a li herêmê têrker nîn e, divê jin rêxistinbûn û pêwendiyên xwe di asta navnetewî de mezin bikin, bi vî rengî jî wê karibin bi hevgirtinê guhertina sîsteman pêk bînin.
(a)
ANHA
