Ji bo şehîd Çekdar Artêş merasîma xiyabî

Şêniyên bajarên Girkê Legê, Çilaxa û Dêrikê di merasîma xiyabî ya şehîd Çekdar Artêş de, soza şopandina rêya şehîdan dan.

ROJANE

2 tebax, 2025 21:52

QAMIŞLO

Meclisa Malbatên Şehîdan a bajarê Dêrikê ji bo şervanê Hêzên Sûriya Demokratîk (QSD) şehîd Çekdar Artêş, di navenda şehîd Bawer a ciwanên şoreşger a bajarê Dêrikê de, merasîmeke xiyabî li dar xist. Bi sedan şêniyên bajarên Girkê Legê, Çilaxa û Dêrikê tev li merasîmê bûn.

Şehîd Çekdar Artêş (Abdullah Akyûz) 13`ê Kanûna 2024`an di berxwedana li hember êrişên dewleta Tirk û çeteyên wê yên li dijî Bendava Tişrînê de şehîd bûbû.

Endamê Meclisa Malbatên Şehîdan a bajêr, Ciwan Hesen axivî û got: “Şehîd, pêşengên şoreşê ne, bi saya têkoşîna wan şoreşa Bakur û Rojhilatê Sûriyeyê bi ser ket.”

Ji fermandarên Yekîneyên Parastina Jin (YPJ) Bêrîvan Amanos di merasîmê de hazir bû û wiha axivî: “Şehîd, mîrasa şoreşa herêmê ye. Şervan, ji bo parastina vê mîrasê dê têkoşînê bidomînin.”

Dûre hevseroka Meclisa Bajarê Dêrikê Rocîn Heto axivî û soza şopandina rêya şehîdan da.

Di dawiya merasîmê de, wesîqeya şehadeta şehîd Çekdar hate xwendin û radestî malbatê hate kirin.

(şx)

ANHA