Ji bo desteyên Karên Hundirîn û Perwerdeyê du hevserokên nû hatin erkdarkirin

Meclisa Gelan a Demokratîk a kantona Cizîrê Şêrwan Mihemed weke hevserokê Desteya Karên Hundirîn û Ednan Berî weke hevserokê Desteya Perwerdeyê li kantona Cizîrê erkdar kirin.

ROJANE

19 ÇILE, 2025 16:11

QAMIŞLO

Îro li hola Meclisa Gelan a Demokratîk a kantona Cizîrê yekemîn civîna asayî ya bi hejmara (1) ya sala 2025’an hate lidarxistin.

Civîn li navenda Meclisa Gelan a Demokratîk a kantona Cizîrê li bajarê Amûdê bi amadebûna hevserokên Meclisê Hîkmet Hebîb û Arya Mela Ehmed û cîgirên wan û endamên meclisê hate organîzekirin.

Di civînê de daxwaznameya Tevgera Civaka Demokratîk (TEV-DEM) ku xwestibû li şûna 3 endamên wan ên berê 3`yên din di meclisê de bêne erkdarkirin, her wiha daxwaznameya Kongra Star ku xwestibû li şûna endameke wan an berê yeke din were erkdarkirin hatin nirxandin. Piştî erêkirina meclisê 4 endamên nû sond xwarin.

Li ser daxwaznameyên Meclisa Rêveber a kantona Cizîrê jî erkdariya Şêrwan Mihemed ji bo hevserokatiya Desteya Karên Hundirîn a kantona Cizîrê û Ednan Berî ji bo hevserokatiya Desteya Perwerdeyê ya kantona Cizîrê, hate erêkirin.

Piştî erêkirinê Şêrwan Mihemed û Ednan Berî li pêşberî meclisê sond xwarin.

(k)