Îsraîlê başûrê Sûriyeyê topbaran kir
Duh Îsraîlê ji Colanê ve êrişî herêma başûrê Sûriyeyê kir. Di encamê de kuştî û birîndar çêbûn.
![Îsraîlê başûrê Sûriyeyê topbaran kir](https://hawarnews.com/kr/uploads/images/202406/image_870x_667d0a64528d6.jpg)
Ajanseke hikumeta Şamê ku agahiyên xwe ji çavkaniyên leşkerî wergirtine, ragihand ku artêşa Îsraîlê duh bi şev gelek dever li başûrê Sûriyeyê topbaran kirine.
Heman ajansê ev agahî parve kirin: "Saet 23:40`an Îsraîla dijmin ji Colana dagirkirî ve gelek dever li herêma başûr topbaran kirin. Lê pergala parastinê ya hewayî gelek moşekên dijmin xistin xwarê."
Navenda Çavdêriya Mafên Mirovan a Sûriyeyê (SOHR) jî ragihand ku di êrişê de 3 kes hatine kuştin û 11 kesên din jî birîndar bûne. Li gorî navendê, Îsraîlê navenda xebatan a saziya "Cîhad El Bena" ya Hizbullaha Lubnanê ya li herêma Seyde Zeyneb a nêzî Şamê topbaran kiriye.
SOHR`ê da zanîn ku gelek welatî bi bermahiyên moşekên parastina hewayî ya Sûriyeyê yên li ser serê sivîlan ketin, birîndar bûne.
(şx)