Îsmaîl Beqaî: Daxwazên DYA’yê daxwazên dermantiqîne

Berdevkê Wezareta Karên Derve ya Îranê Îsmaîl Beqaî, li paytext Tehranê daxuyanî da.

Beqaî diyar kir ku rayedarên DYA’yê her tim helwesta xwe diguherînin û têkildarî teklîfa DYA’yê ya ji 15 xalan pêk tê wiha got, “Ev teklîfe xwedî îdiayên mezin e, eleqeya xwe bi rastiyê nîn e û ji daxwazên dermantiqî pêk tê.”

Beqaî, têkildarî hewldanên Pakistanê yên tevî welatên herêmê jî got ku ev di çarçoveya planên Pakistanê bi xwe de ne û Îran ne daxilî vê pêvajoyê ye.

Beqaî îşaret bi hewldanên dîplomatîk ên bi Tirkiyeyê re jî kir û got ku têkiliya wan a bi Enqereyê re xurte û wiha got: “Bi Tirkiyeyê re têkiliyeke me ya dostane heye. Rayedarên Îran û Tirkiyeyê her tim di nava pêwendiyan de ne.”

Beqaî îdia kir ku di êrişên li dijî Îranê de hinek welatên Kendavê weke baregeh tên bikaranîn û got ku ev rewş li dijî hiqûqa navneteweyî ye. Beqaî wiha domand: “Me tu caran welatên herêmê weke dijmin nedît. Lêbelê gotina ‘em ne parçeyeke şer in’ têr nake.”

Têkildarî îdiaya ku tê gotin Mîrnişînên Yekbûyî yên Ereb dê dest dane ser mal û milkê îraniyan jî Beqaî ev anî ziman: “Dê mafên hemwelatiyên Îranê bên parastin. Têkiliyên dîplomatîk ên bi Erebistanê re jî didomin. Konsolosxaneya li Lubnanê vekiriye û sefîrê me li Beyrûdê karê xwe didomîne.”

Beqaî ji bo îdiayên êrişa li ser Santrala Nukleerê ya Buşehrê jî got ku tesîs xebatên xwe didomîne û got: “Ev êriş, êrişên pir xeterene. Nîşan dide ku rejîma siyonîst û DYA tu xetên sor nas nake.”

Beqaî îşaret bi bihayê petrolê yê kûrewî kir û got ku ji rewşa Tengava Hurmuzê Îran ne berpirsyare.

Beqaî daxuyand ku rewşa heyî piştî êrişên DYA û Îsraîlê derketiye holê û hinek keştî bi Îranê re bi koordîneyî derbas dibin.