Hunermendên Sempozyuma ′Firat û Reng 2′ hatin xelatkirin

Komîteya Çand û Şûnwaran a Kantona Reqayê di 13′yê Kanûnê de bi beşdariya 30 hunermendên ji tevahî kantonên Herêma Bakur û Rojhilatê Sûriyeyê Sempozyuma ′Firat û Reng 2′ li dar xist.

Piştî 9 rojan ji xebata sempozyumê, îro bi pêşandana xebatên hunermendan û xelatkirina wan bi dawî bû.

Di çalakiyên roja dawîn de endamên Komîteya Çand û Şûnwaran, nûnerên Rêveberiya Xweseriya Demokratîk a Herêma Bakur û Rojhilatê Sûriyeyê, bi dehan xelk û hunermendên beşdar, amade bûn.

Di 8 rojên borî de hunermendan li ser 54 tabloyan xêz kir.

Di vê çarçoveyê de cîgirê hevserokatiya Rêverberiya Xweseriya Demokratîk a Kantona Reqayê Ebduselam Hemsork bal kişand ser rola girîng a hunermendan di çand û derxistina rastiyê de.

Hevserokê Komîteya Çandê ya Kantona Reqayê Hesen Mistefa axivî û bal kişand ser pêwîstiya berdewamkirina xebata li ser xurtkirina çanda herêmê û girîngiya der barê wê de ji aliyê hunerî û hunermendan ve.

Di dawiya sempozyumê de hunermendên beşdar bi kartên spasnameyê ji hêla Rêveberiya Xweseriya Demokratîk a Reqayê ve hatin xelatkirin.

Çaverê bû, sibe sempozyum bi dawî bibûya, lê komîteya amadekar îro guncaw dît.

(fr)

ANHA