Hêzên Ewlekariya Hundirîn 22 bazirganên hişbirê girtin

Navenda Ragihandinê ya Hêzên Ewlekariya Hundirîn a Bakur û Rojhilatê Sûriyeyê bi daxuyaniyekê ragihand ku mîqdareke mezin ji hişbirê û 22 bazirganên wê hatine girtin.

Berfirehiya daxuyaniyê wiha ye:

"Di çend rojên derbasbûyî de hêzên me yên li dijî madeyên hişbirê li bajarên Hesekê û Qamişloyê gelek mudaheme li veşartgehên firoşgehên madeyên hişbir pêk anîn.

Di encama kar û xebatên berdewam ên ji bo şopandina dosyayên kesên ku bi madeyên hişbirê re mijûl dibin, Rêveberiya dijî madeyên hişbir gelek serdegirtin li bajarên Hesekê û Qamişlo pêk anîn û di encamê de 22 kes ku 2 jin jî di nav de yên ku di firotin û belavkirina van madeyan de dixebitîn binçav kirin her wiha ev made di destê wan de hat desteser kirin:

 _129.117 hebên kaptagon

_148 hebên hişbir ên curbicur

_862,9 gram heşîş

_621 gram tovê heşîşê “Gembes”

_1 gram krîstal “H-Bûz”.

_2 Pakêtên cixarê bi madeyên hişbir hatine dagirtin

_17 Qalûnên kişandina hişbirê

_3 Çekên spî (kêr û alavên tûj)

_27 Telefonên destan

_ 2,888,500 lîreyên sûrî

_ 2 mizîn (alava pîvanê)

Piştî lêpirsînê kesên sûcdar û tiştên ku hatin desteserkirin radestî Dozgeriya Giştî bûn, da ku der barê wan de tedbîrên pêwîst bên girtin

Rêveberiya giştî ya dijî madeyên hişbirÊ bang li hemwelatiyan kir ku ji bo parastina ewlekarî û selametiya welatiyan her karekî bazirgan û firoşkarên madeyên hişbirÊ ji me re ragihînin."