`Hêza azadî û aştiyê li Îmraliyê ye`

Şêniyên Hesekê banga pêkanîna azadiya fîzîkî ya Rêber Abdullah Ocalan kirin û destnîşan kirin ku yên dixwazin doza Rojhilata Navîn çareser bikin, kilîta çareseriyê li Îmraliyê û yên aştiyê û azadiyê dixwazin, hêza azadî û aştiyê li Îmraliyê ye.

ROJANE

21 cotmeh, 2023 14:22

HESEKÊ

Şêniyên Hesekê û endamên saziyên bajêr û partiyan, ji bo piştgiriya pêngava cîhanê ku 10`ê Cotmehê bi dirûma “Ji Rêber Abdullah Ocalan re azadî û ji pirsgirêka Kurd re çareserî” dest pê kiriye û pêngava Însiyatîfa Gel a Bakur û Rojhilatê Sûriyeyê bi dirûşma “Ji Rêber Abdullah Ocalan re azadî û ji pirsgirêka Kurd re çareseriya siyasî”, meşiyan.

Meş ji çerxerêya El Mehlec a li taxa Mişêrfe ya Hesekê dest pê kir û li rêya ber bi taxa El Nasr ve dewam kir.

Li wir, seroka Desteya Jinan a Herêma Cizîrê Evîn Başo axivî û piştgirên pêngava cîhanê ya ji bo azadiya Rêber Abdullah Ocalan silav kirin.

Evîn wiha domand: “Kî diwaze pirsgirêka Rojhilata Navîn çareser bike, çareserî li Îmraliyê ye. Yên dixwazin aştî û azadî pêk were, hêza azadî û aştiyê li Îmraliyê ye. Em bang li azadîxwazan bi taybet tevgerên jinan dikin ku tev li pêngavê bibin û piştgiriya wê bikin. Ji ber ku azadiya Rêbertî, azadiya gelên azadîxwaz û demokrat e.

(şx)

ANHA