Herî zêde zarokên Sûriyeyê dibin qurbaniyên mayînan
Li gorî rapora rêxistina Çavdêriya Mayînan a têkildarî bîlançoya 2022`yan, nîvê qurbaniyên mayînan li cîhanê zarok in, piraniya wan jî zarokên Sûriyeyê ne.
![Herî zêde zarokên Sûriyeyê dibin qurbaniyên mayînan](https://hawarnews.com/kr/uploads/images/202311/image_870x_6553655f5ae5b.jpg)
Rêxistina Çavdêriya Mayînan ku rêxistineke ne hikumî ye raporek belav kir. Li gorî rapora rêxistinê, sala borî (2022) ji ber teqîna mayînan û bermahiyên şer hezar û 661 kes hatine kuştin, 3 hezar û 15 kes jî birîndar bûne.
Li gorî raporê, ji sedî 85`ê qurbaniyan sivîl in, nîvê wan zarok in û hejmara herî mezin a wan zarokan ên Sûriyeyê, piştre Ukrayna û Yemenê tên.
Ev sala 3`yemîn e li ser hev ku hejmara herî zêde ya qurbaniyan ji Sûriyeyê ye (834 kes), piştre Ukrayna di rêza duyemîn de tê (608 kes).
Di raporê de hat gotin: “Bandora wêranker a mayîn û bermahiyên şer li ser sivîlan, careke din di bîlançoyên qurbaniyan ên sala 2022`yan de xwe da der.”
(c)