Girseyên 8 bajaran ketin ser rêya Helebê

Welatiyên Dêrik, Girkê Legê, Til Koçer, Til Hemîs, Çilaxa, Tirbespiyê, Qamişlo û Amûdê, ji bo destekdayîna berxwedana Şêxmeqsud û Eşrefiyê, bi karwanekî ku ji zêdetirî 100 wesayîtan pêk tê, derketin rê.

ROJANE

10 ÇILE, 2026 08:27

QAMIŞLO

Piştî banga Meclisa Gel a Taxên Şêxmeqsud û Eşrefiyê, li tevahiya bajarên Bakur û Rojhilatê Suriyeyê bi rengekî seferberiyê gelan berê xwe dan Helebê.

Duh ji Kantona Firatê karwanê yekem derketibû rê û xwe gihandibû Tebpayê. Her wiha ji komek ji bajarên Cizîrê û Reqayê jî ketibûn ser rê.

Îro jî, ji bajarên Dêrik, Girkê Legê, Til Koçer, Til Hemîs, Çilaxa, Tirbespiyê, Qamişlo û Amûdê yên Kantona Cizîrê bi sedan kesan berê xwe dan Helebê.

Welatiyên ku ji Dêrik, Girkê Legê, Çilaxa û Tirbespiyê derketibûn rê, li Çerxerêya Yusuf Gulo ya Qamişlo bi girseya li vir re gihîştin hev bi karwanekî nêzî 100 wesayîtan û bi dirûşmeyên berxwedanê ber bi Hesekê ve ketin ser rê.

Girseyên Til Koçer, Til Hemîs û Amûdê jî di saetên sibehê de ji bajarên xwe berê xwe da Hesekê.

Girseyên ji tevahiya bajarên Cizîrê wê li bajarê Hesekê, li Çerxerêya Panorama kom bibin û ji wir berê xwe bidin Helebê.

(ekip)

ANHA

Qamişlo

Dêrik

Çilaxa

Girkê Legê