Di êrişa Îsraîlê de leşkerên Şamê birîndar bûn
Balafirên şer ên Îsraîlê gundewarên Heleb û Idlibê bombebaran kirin. Hate ragihandin ku hejmarek leşkerên Şamê birîndar bûne.
Li gorî agahiyên ku medyayên ser bi hikumeta Şamê ve parve kirine, balafirên Îsraîlê şevê din saet derdora 00.45ˈan li gundewarên Heleb û Idlibê hin baregeh bombebaran kirin. Hate ragihandin ku di bombebaranê de hejmarek leşkerên hikumeta Şamê birîndar bûne.
Navenda Çavdêriya Mafên Mirovan a Sûriyeyê (SOHR) jî da zanîn ku balafirên Îsraîlê li gundewarên Heleb û Idlibê karegehên pêşesaziyên leşkerî û navenda lêkolînên zanistî yên girêdayî hêzên hikumeta Şamê bombebaran kirine. SOHRˈê diyar kir ku li cihên hatine bombebarankirin endamên Pasdarên Îranê hene.
(bb)
