Di daxuyaniyên bi boneya 1’ê Gulanê de banga mîsogerkirina mafên karkeran hat kirin

Bi boneya 1'ê Gulanê Roja Karkeran a Cîhanê, Tevgera Civaka Demokratîk li bajarê Dêrikê û Yekitiya Kedkaran a Girkê Legê daxuyanî dan.

DÊRIK

Meclisa Tevgera Civaka Demokratîk a bajarê Dêrikê bi amadebûna bi dehan şêniyan û karkeran daxuyaniyek li Qada Azadî da.

Piştî deqeya rêzgirtinê, endama Komîteya Sendîkaya Karkeran a Deriyê Sêmalkayê Samir Ebdo daxuyanî xwend. Di daxuyaniyê de hate diyarkirin ku 1'ê Gulanê roja helwesta rûmetê û serbilihandiya bi karkeran e, her wiha hate gotin: "Ev roj piştrast dike ku karker kevirê bingehîn ê her vejîna aborî ye û garantiya rastîn a domdarî û pêşkeftina civakan e.”

Di daxuyaniyê de hate destnîşankirin ku ev bone li gel guhertin û veguhertinên mezin ku têkoşîna gel a ji bo edalet û mafan tê pîrozkirin, girîngiya nûjenkirina rêbazên têkoşîna ji bo bidestxistina mafên gelê Kurd hat vegotin.

GIRKÊ LEGÊ

Yekitiya Kedkaran a Girkê Legê ku di bin sîwana TEV-DEM'ê ye jî daxuyaniyek li Qada Şehîd Xebat da.

Daxuyanî bi amadebûna karkeran û şêniyên bajar ji aliyê rêvebera Yekitiya Rewşenbîran a Girkê Legê hat xwendin.

Di daxuyaniyê de hat bibîrxistin ku Roja Karkeran roja rûmet û xelatkirina karkeran e. Her wiha hat diyarkirin ku tevî şer û ambargoyê karkerên herêmê xebatên xwe domandin.

Di daxuyaniyê de banga mîsogerkirina mafên karkeran û pêkanîna edaleta civakî hat kirin. Banga bêşert a serbestberdana dîlgirtiyên li cem hikumeta demkî ya Sûriyeyê hat kirin.

(bb)

ANHA