Di çalakiyên şermezarkirina komployê de soza domandina têkoşînê hat dayîn

Hemwextî salvegera 25'emîn a komploya navneteweyî ya li dijî Rêber Abdullah Ocaçan, Yekitiya Rewşenbîran a kantona Cizîrê şevbuhêrkeke helbestan bi navê "Na ji komploya navneteweyî ya li dijî Rêber Abdullah Ocalan re" li navenda Çandê ya navçeya Amûdê li dar xist. Di şevbuhêrk de rewşenbîr û siyasetmedarên Hesekê, Qamişlo û navçeya Amûdê beşdar bûn.

Di şevbuhêrkê de helbestvanan Riyad Mustefa, Ebdulbarî Ehmê, Hesîne Ehmed, Bawer Can Ezîz, Beşîr Mela Newaf, Kurdyar Dirêî, Emîne Qasim, Cindî Metînî, Ezher Ehmed, Hesen Hesen û Dilyar Hebîb helbest xwendin.

Di heman çarçoveyê de Tevgera Ciwanên Şoreşger a Sûriyê û Yekitiya Jinên Ciwan a Amûdê bi meşeke meşaleyan komploya navneteweyî şermezar kir.

Li pêşiya navenda ciwanan a Amûdê daxuyaniyek hat dayîn. Daxuyanî ji aliyê endama Yekitiya Jinên Ciwan Sîdra Osman ve hat xwendin.

Di daxuyaniyê de soza domandina têkoşînê li hember dijminan heta pêkanîna azadiya fîzîkî ya Rêber Abdullah Ocalan hat nûkirin.

HESEKÊ

Têkildarî heman mijarê, Kongra Star û Meclisa Jinan a Partiya Yekitiya Demokratîk (PYD) li hola PYD'ê ya taxa Kebabê ya Hesekê mûm pêxistin.

Beşdaran mûm li pêşiya wêneya Rêber Abdullah Ocalan pêxistin. Piştre sînevîzyonek li ser jiyana Rêber Abdullah Ocalan, têkoşîn û berxwedana wî li dijî pergalên zordest û komploya navneteweyî hat pêşandan.

Endama Meclisa Giştî ya PYD'ê Ahîn Elî teqezî bi girîngiya têkoşîn û berxwedanê ji bo pêkanîna azadiya fîzîkî ya Rêber Abdullah Ocalan da.

Li navçeya Til Temirê Kongra Star çalakiya mûman li pêşiya nivîsgeha PYD'ê ya navçeyê pêxistin.

Endama Kongra Star Şêxa Xidir El Şermox li ser jiyana Rêber Abdullah Ocalan axivî û soza şopandina rêya wî heta têkbirina tecrîdê da.

Li dawiyê navê "APO" bi mûman hat nivîsandin.

(mh)